Łukašenka na dabračynnym dziciačym śviacie skazaŭ dzieciam: «Nado!»
Alaksandr Łukašenka na dabračynnym śviacie ŭ ramkach akcyi «Našy dzieci» raskazaŭ dzieciam, čamu važna staranna vučycca, piša BiełTA.
27.12.2024 / 12:01
Fota: BiełTA
«Dla taho kab pravilna vyznačycca ŭ budučym žyćci, siońnia treba vučycca. Ja razumieju, što ranicaj vy pračynajeciesia, jak i ja kaliści, jak i starejšyja vašyja siabry, vykładčyki, nastaŭniki, — nikudy nie chočacca iści, i nadvorje brydkaje, chočacca doma zastacca… ale jość takoje słova, jakoje niadaŭna na ščyt padniali, «treba». Razumiejecie, treba (nado)! Voś vy pračynajeciesia, nikudy nie chočacie iści, a tym bolš vučycca. Ale vy pamiatajecie: ciapier heta treba! Kab potym było lahčej. Tamu vučoba — heta ciažka, ale treba. Bo heta vaš padmurak u žyćci. Biez hetaha padmurka nie moža być u vas narmalnaha darosłaha žyćcia», — skazaŭ jon.