Minčuk prymacavaŭ da žyrandoli mabilnik, kab zdymać amaralnyja pavodziny byłoj žonki
Atrymanym videa jon dzialiŭsia z byłoj cieščaj.
27.12.2024 / 17:11
Fota ilustracyjnaje
Pa materyjałach śledstva, letam 2024 hoda 42-hadovy minčuk pryjechaŭ u kvateru, dzie žyła jahonaja byłaja žonka, kab tam sustrecca z synam. Pry hetaj nahodzie jon prymacavaŭ na lustry ŭ adnym pakoi svoj mabilny telefon z dadatkam, jaki dazvalaŭ vieści videanazirańnie. Kamiera stajała na lustry dva miesiacy, z 1 lipienia pa 1 vieraśnia.
Rabiŭ mužčyna heta dziela taho, kab na faktach pakazać svajakam i inšym zacikaŭlenym asobam, što žančyna nibyta viadzie amaralny ład žyćcia. Adnym z adrasatam, kamu dasyłałasia zdabytaje takim čynam videa, była maci žančyny.
Paśla skarhi žančyny na jaje byłoha muža zaviali kryminalnuju spravu. Jamu inkryminavali «naŭmysnyja niezakonnyja zbor i raspaŭsiud infarmacyi ab pryvatnym žyćci inšych asob bieź ich zhody, jakija paciahnuli pryčynieńnie istotnaj škody pravam, svabodam i zakonnym intaresam hramadzian».
Ciapier mužčynu buduć sudzić u Pieršamajskim sudzie horada Minska pa č. 1 i č. 2 art. 203-1 Kryminalnaha kodeksa Respubliki Biełaruś. Ź jaho ŭziali padpisku ab niavyjeździe i naležnych pavodzinach.
Žančyna krała adzieńnie ŭ minskim HC i pradavała ŭ inšaj krainie
U Minsku maładaja maci, što jechała ź dziciom, napała na kantralorku. Joj dali hihancki štraf
Zakładčyki chavali narkotyki ŭ šyškach, kaštanach i žałudach