Брытанскі заапарк выпусціў на волю рэдкіх слімакоў
Маленькія сухапутныя слімакі віду, які лічыўся ўжо дашчэнту вымерлым, былі выведзеныя ў заапарку Чэстара ў Вялікабрытаніі і выпушчаныя назад у дзікую прыроду. Раней невялікую калонію гэтых слімакоў нечакана выявілі на адасобленым партугальскім архіпелагу Ільяш-Дэзерташ, размешчаным недалёка ад Мадэйры, піша Euronews.
28.12.2024 / 22:23
Фота: AP
Працуючы з экспертамі з заапарка Брыстоля ў Вялікабрытаніі і заапарка Баваль у Францыі, супрацоўнікі Чэстара змаглі развесці каля 1300 слімакоў, што, як спадзяюцца навукоўцы, дазволіць выратаваць від ад вымірання.
Для іх жыцця спецыялісты ўзнавілі ў пераабсталяваным грузавым кантэйнеры мініяцюрныя рэзервуары з прыдатнай для слімакоў ежай і ўмовамі.
Перад тым, як выпусціць слімакоў на астравы, іх пазначылі ідэнтыфікацыйнымі кропкамі, каб спецыялісты маглі сачыць за імі. Лічыцца, што гэта апошнія прадстаўнікі свайго віду на планеце.
У Камянецкім раёне стварылі ферму з гадаванцамі, мяса якіх спажываюць у дарагіх рэстаранах
Навуковец раіць саджаць на лецішчы лаванду і разводзіць паўлінаў. Навошта?