U Łošyckim parku źjaviacca kaviarni, restarany i mini-hateli
Jakija abjekty ŭ najbližejšaj budučyni źjaviacca ŭ Łošyckim parku i čamu tam pierakryli adzin z mastoŭ, raskazaŭ kiraŭnik administracyi Leninskaha rajona Raman Mielnik, pišuć Minsk-naviny.
02.01.2025 / 08:26
Łošycki park. Fota wikimedia.org
U adnoj z častak Łošyckaha parku jość most, praź jaki možna było dabracca da siadziby. Adnak siońnia jon pieraharodžany.
— Niepadalok raźmiaščajecca budaŭničaja placoŭka. Heta asabistaja inicyjatyva staršyni Minharvykankama Uładzimira Kucharava — uparadkavać hety kutok, zrabić jaho zapatrabavanym siarod žycharoŭ Leninskaha rajona i, u pryvatnaści, Łošycy. Tam budzie dobry centr z kaviarniami, restaranami, mini-haścinicami, — udakładniŭ R. Mielnik.
— Što datyčycca mosta, pakul pobač znachodzicca budaŭničaja placoŭka, prachod zabaronieny. Treba nabracca ciarpieńnia i karystacca inšymi ŭvachodami. Nahadaju, što ŭ parku jość nie tolki centralny ŭvachod, ale i ŭvachod z boku Sierabranki, a taksama vieładarožka i most praź jaje.