Prynamsi 8 šachiedaŭ za noč zalacieła na terytoryju Biełarusi
Avijacyja VPS Biełarusi ŭnačy nie padymałasia.
04.01.2025 / 16:31
Prykładny maršrut «šachiedaŭ» nad Biełaruśsiu ŭ noč z 3 na 4 4 studzienia. Infahrafika: «Biełaruski Hajun»
U noč z 3 na 4 studzienia zafiksavana minimum vosiem zachodaŭ rasijskich dronaŭ-kamikadze typu «šachied» u Biełaruś z Ukrainy, paviedamlaje manitorynhavaja hrupa «Biełaruski Hajun».
Pavodle infarmacyi resursu, drony zachodzili ŭ Paleski zapaviednik, ruchalisia kursam na Brahin i Chojniki, a taksama prachodzili praz «biełaruski kalidor».
Pieršy zachod nočču zafiksavany ŭ 23:51, kali BPŁA zalacieŭ u Kamaryn. Dalejšyja zachody adznačany ŭ 00:08, 00:18, try zachody ŭ 00:39 i dva — u 00:59.
Ahułam za 2024 hod «Biełaruski Hajun» zafiksavaŭ 395 parušeńniaŭ pavietranaj prastory Biełarusi dronami z Ukrainy i Rasii, siarod ich 5 raźviedvalnych dronaŭ. Pik prypaŭ na listapad i śniežań. Za śniežań u pavietranuju prastoru Biełarusi zajšło nie mienš za 145 rasijskich dronaŭ-kamikadze «šachied».
Za 2024 hod u Biełaruś zalacieli 395 dronaŭ z Rasii i Ukrainy. Bolšaść ź ich — šachiedy
SPA Ukrainy raskazała, kolki rakiet i dronaŭ źbiła za hod
U BDTU adkryjuć sumiesnuju z rasijanami mahistraturu pa bieśpiłotnikach