U Minsku adkryjuć zavod pa pierapracoŭcy śmiećcia na 500 rabotnikaŭ
Jaho pačali budavać u krasaviku 2024-ha na palihonie «Traścianiecki». Adkryćcio zapłanavana na hety hod.
06.01.2025 / 08:38
U novym korpusie praduhledziać paŭaŭtamatyčnaje sartavańnie śmiećcia, što daść mahčymaść istotna skaracić ekspłuatacyjnyja zatraty abjekta. Dadasca amal 500 pracoŭnych miescaŭ, paviedamlajuć «Minsk-Naviny».
— Budoŭla novaha zavoda abumoŭlena tym, što vytvorčaj mahutnaści dziejučaha pradpryjemstva niedastatkova. Minsk pavialičvajecca, nasielnictva ŭzrastaje, śmiećcia, adpaviedna, stanovicca bolš, — raskazała kiraŭnik prajektu DP «Hardarbud» Natalla Jačenia. — Na novym zavodzie buduć čatyry linii pierapracoŭki ćviordych kamunalnych adchodaŭ i dźvie linii pierapracoŭki RDF-paliva. Na ŭžo isnujučym pradpryjemstvie ŭstalujuć paŭaŭtamatyčnuju liniju sartavańnia.