«Miežy nie pavinny adsoŭvacca siłaj». Šolc raskrytykavaŭ vykazvańnie Trampa pa Hrenłandyi
Fiederalny kancler Hiermanii Ołaf Šolc u svajoj zajavie dla presy rezka raskrytykavaŭ niadaŭnija vykazvańni abranaha prezidenta ZŠA Donalda Trampa pra Hrenłandyju. U svaim karotkim vystupleńni jon padkreśliŭ pryncyp nieparušnaści miežaŭ jak asnovatvorny pryncyp mižnarodnaha prava, jaki ŭ roŭnaj stupieni vykarystoŭvajecca i ŭ dačynieńni da ŭsich krain, paviedamlaje Euronews.
08.01.2025 / 22:14
Ołaf Šolc. Fota: Michael Sohn / AP
«Miežy nie pavinny adsoŭvacca siłaj», — skazaŭ jon, majučy na ŭvazie pieradusim ahresiŭnuju vajnu Rasii suprać Ukrainy, ale nie tolki.
«Padčas maich dyskusij ź jeŭrapiejskimi partniorami stała vidavočnym peŭnaje nierazumieńnie ŭ suviazi ź niadaŭnimi zajavami ZŠA», — skazaŭ jon, majučy na ŭvazie niadaŭnija zajavy Trampa ab tym, što jon choča pieradać Hrenłandyju pad kantrol ZŠA.
Niamiecki kancler patłumačyŭ, što pryncyp nieparušnaści miežaŭ dziejničaje va ŭsim śviecie: «niezaležna ad taho, dzie jon znachodzicca: na Uschodzie ci na Zachadzie», heta «fundamientalny pryncyp mižnarodnaha prava».
Šolc padkreśliŭ, što hety pryncyp raspaŭsiudžvajecca na ŭsie krainy — niezaležna ad ich pamieru i mocy. «Heta asnoŭny kampanient taho, što my nazyvajem zachodnimi kaštoŭnaściami», — dadaŭ jon.
Čamu Tramp zahavaryŭ pra Hrenłandyju?
Kiraŭnik francuzskaha MZS: Jeŭrasajuz nie dazvolić nikomu ŭvarvacca ŭ Hrenłandyju
Tramp apublikavaŭ kartu z Kanadaj, dałučanaj da ZŠA
Premjer Danii adkazała nakont prapanovy Trampa pra Hrenłandyju