U Enhielsie Sarataŭskaj vobłaści paśla ataki BPŁA piaty dzień haryć naftabaza
Hubiernatar Sarataŭskaj vobłaści Raman Busarhin zajaviŭ 12 studzienia, što ŭ Enhielsie ŭsio jašče tušyć pažar, jaki ŭźnik na pramysłovym pradpryjemstvie paśla napadu ŭkrainskich bieśpiłotnikaŭ 8 studzienia. Pavodle ŚMI, haryć schovišča avijacyjnaha paliva dla avijabazy.
12.01.2025 / 12:12
«Praciahvajecca praces kantralavanaha vyharańnia paliva. Śpiecyjalisty ŭ kruhłasutačnym režymie prymajuć usie nieabchodnyja miery dla likvidacyi», — napisaŭ Busarhin u telehram-kanale paśla pasiadžeńnia apieratyŭnaha štaba.
Hubiernatar adznačyŭ, što «kolkaść dymu, jak i płošča pažaru, źnižajecca», a pavietra ŭ normie.
Ukrainskija bieśpiłotniki atakavali Enhiels Sarataŭskaj vobłaści ŭ noč na 8 studzienia, adbyŭsia mocny pažar.
Pa danych ŚMI, pažar adbyŭsia na naftabazie kambinata «Kryštal» Rasreziervu. Pry tušeńni pažaru zahinuli dvoje ratavalnikaŭ MNS, adzin špitalizavany ź ciažkimi apiokami. U Enhielsie dziejničaje režym nadzvyčajnaj situacyi.