Małodšy brat zabitaha lidara CHAMAS Jachji Sinvara ŭznačaliŭ hrupoŭku
Muchamied Sinvar znachodzicca «ŭ centry namahańniaŭ pa adradžeńni CHAMAS» i zajmajecca vierbavańniem novych udzielnikaŭ ruchu, piša The Wall Street Journal.
13.01.2025 / 11:29
Ilustracyjnaje fota Yousef Masoud / AP
Pa źviestkach vydańnia, novamu kiraŭniku hrupoŭki kala 50 hadoŭ. Jon, jak i jaho brat, dałučyŭsia da CHAMAS u maładym uzroście. WSJ adznačaje, što Muchamied nie pravioŭ «značnuju kolkaść času» ŭ izrailskaj turmie, tamu izrailskija śpiecsłužby «mienš razumiejuć» jaho dziejnaść. U jaho jość mianuška «Cień» za schilnaść dziejničać «za kulisami».
Izrailskija ŭłady miarkujuć, što Muchamied Sinvar maje dačynieńnie da vykradańnia izrailskaha vajskoŭca ŭ 2006 hodzie. Hetaje vykradańnie pryviało da abmienu, u vyniku jakoha z turmy vyzvaliŭsia jaho brat Jachja.
Jachja Sinvar uznačaliŭ palitbiuro CHAMAS paśla zabojstva Ismaiła Chanii letam 2024 hoda. Sinvara ličać hałoŭnym arhanizataram uvarvańnia CHAMAS u Izrail 7 kastryčnika 2023 hoda. 16 kastryčnika 2024 hoda jon byŭ zabity Armijaj abarony Izraila.