Kiroŭcy aŭtamabilaŭ Dziaržinśpiekcyi achovy žyviolnaha śvietu atrymali prava vykarystoŭvać zbroju
Alaksandr Łukašenka padpisaŭ ukaz, jaki pašyraje paŭnamoctvy Dziaržinśpiekcyi achovy žyviolnaha i raślinnaha śvietu ŭ śfiery nacyjanalnaj biaśpieki.
16.01.2025 / 10:19
Fota: Źviazda
«Słužbovyja asoby hetaj dziaržinśpiekcyi nadzialajucca pravam pravodzić asabisty dahlad hramadzian i ich rečaŭ, u tym liku z vykarystańniem techničnych i śpiecyjalnych srodkaŭ, na ŭvachodach u achoŭvajemyja abjekty viedamstva, a taksama kanfiskoŭvać pradmiety i rečyvy, zabaronienyja da pranosu», — havorycca ŭ paviedamleńni.
Zhodna z novym dakumientam, inśpiekcyja atrymlivaje dadatkovyja zadačy, pry hetym zachoŭvajučy ŭsie raniejšyja funkcyi. Akramia taho, supracoŭniki nadzieleny pravam kanfiskoŭvać zabaronienyja pradmiety i rečyvy.
Kiroŭcy aŭtamabilaŭ Dziaržinśpiekcyi, jakija ŭdzielničajuć u baraćbie z pravaparušeńniami, atrymlivajuć prava vykarystoŭvać zbroju, fizičnuju siłu i śpiecyjalnyja srodki naroŭni ź inśpiektarami.