Čynoŭnik, što adklučaŭ «Pieramien» Coja na praŭładnym mitynhu ŭ Minsku, atrymaŭ pasadu ŭ Viciebsku
Namieśnikam staršyni Viciebskaha abłvykankama, jaki budzie kuryravać pytańni budaŭnictva i ŽKH, pryznačany Dźmitryj Piatruša, paviedamlaje telehram-kanał «Viciebsk, ja hulaju».
16.01.2025 / 12:55
Dźmitryj Piatruša 6 žniŭnia 2020 hoda zapomniŭsia jak čynoŭnik, što imkliva sprabavaŭ vyklučyć pieśniu Coja «Pieramien», uklučanuju dydžejami ź Minskaha dziaržaŭnaha Pałaca dziaciej i moładzi padčas aficyjnaha mitynhu.
Dźmitryj Piatruša padčas mitynhu 6 žniŭnia 2020 hoda
U toj čas Piatruša zajmaŭ pasadu kiraŭnika administracyi Centralnaha rajona Minska. Praz hod paśla hetych padziej jon pierajšoŭ na pasadu hienieralnaha dyrektara AAT «Kieramin».
Ciapier, napiaredadni novych vybaraŭ, jaho viarnuli ŭ Viciebsk — horad, dzie jon naradziŭsia i skončyŭ miascovy technałahičny ŭniviersitet.