Панамароў падтрымаў Аўтуховіча словам і сцягам
Клецкі выдавец незалежнага бюлетэня зладзіў традыцыйную акцыю салідарнасці з палітвязнямі.
16.03.2010 / 15:51
Выдавец незалежнага бюлетэня «Бойкі Клецак» Сяргей Панамароў зладзіў акцыю салідарнасці з Міколам Аўтуховічам у Клецку.
Ён раздаў на вуліцах райцэнтра спецвыпуск «БК», прысвечаны справе ваўкавыскага прадпрымальніка і ягоных паплечнікаў. «На жаль я не змог прысутнічаць у судзе, таму правёў у Клецку дзень інфармавання», — расказаў клецкі выдавец. Сёння ж 16 сакавіка ён традыцыйна вывесіў над сваім домам бел-чырвона-белы сцяг, як робіць гэта ў кожны дзень Салідарнасці.