Janukievič: Na Banhałor ludziej nie paviadziom
Zajaŭniki vuličnaj akcyi na Dzień Voli ŭsio jašče nie atrymali adkaz ź Minharvykankamu.
18.03.2010 / 14:27
Staršynia Partyi BNF i arhkamiteta pa śviatkavańnia Dnia Voli Alaksiej Janukievič kaža, što maršrut akcyi na 25 Sakavika zastaniecca raniejšym: zbor a 18:00 na placy la Akademii navuk, a potym šeście praśpiektam Niezaležnaści da skviera Janki Kupały.
«Adkazu ź Minharvykankamu na našu zajaŭku my jašče nie majem», — kaža A.Janukievič.
Lider BNF padkreślivaje, što ŭ śviatkavańni Dnia Voli voźmuć udzieł usie demakratyčnyja siły. «Heta moža śviedčyć, što nijakich svarak pamiž nami niama», — havoryć palityk.
Pa słovach Janukievič, akcyja 25 Sakavika pavinna stać pryhožaj i ŭračystaj. Buduć vystupy paetaŭ, bardaŭ. «Heta vydatnaje biełaruskaje śviata, jakoje treba adznačać», — kaža Janukievič.
Na pytańnie, jak źbirajucca dziejničać arhanizatary, kali AMAP pieraharodzić darohu ŭ centr, Janukievič adkazaŭ:
«Heta budzie zaležyć ad toj kolkaści ludziej, jakaja pryjdzie. Jość roznyja varyjanty, jakija pakul nie chaču ahučvać. Skažu dakładna tolki adno, što na Banhałor ludziej nichto nie paviadzie».