31 sakavika ŭ Minsku — dabračynny trybjut‑kancert pamiaci M.Džeksana
30.03.2010 / 15:48
31 sakavika ŭ staličnym kłubie «Reaktar» projdzie dabračynny trybjut‑kancert pamiaci Majkła Džeksana HISstory.
Arhanizataram viečarynki vystupiŭ pieršy biełaruski fan‑kłub Majkła Džeksana King of pop. Jak paviedamiŭ pres‑ataše prajekta Jaŭhien Babičaŭ, na kancercie biełaruskija vykanaŭcy vystupiać z aryhinalnymi trekami i kavier‑viersijami piesień Majkła Džeksana. Svaju prysutnaść paćvierdzili hurty Litesound, «Niejra Dziubiel», The Champions, a taksama solnyja vykanaŭcy PułJa, Hieorhij Kałdun, Volha Płotnikava, Alaksandra Hajduk, Bierta i inšyja.
Akramia prafiesijnych artystaŭ na viečarynie vystupiać vykanaŭcy, jakija prajšli kastynh i byli adabranyja kamisijaj z udzielnikaŭ fan‑kłuba Majkła Džeksana. Jany vykanajuć jaho pieśni i tancavalnyja kampazicyi.
Pavodle słoŭ pres‑ataše prajekta, vyručanyja ŭ chodzie kancerta srodki buduć nakiravanyja biełaruskim dziciačym damam.