Ministr abarony Jury Žadobin vystupić pierad tvorčaj intelihiencyjaj
23.04.2010 / 09:42
23 krasavika ŭ Centralnym domie aficeraŭ adbudziecca sustreča ministra abarony Biełarusi Juryja Žadobina z prezidyumam Respublikanskaj kamisii pa šefstvie rabotnikaŭ kultury i mastactva nad asabovym składam Uzbrojenych sił, pradstaŭnikami tvorčych sajuzaŭ i arhanizacyj, łaŭreatami i pieramožcami konkursu na lepšyja tvory litaratury i mastactva.
Jak paviedamiła pres‑słužba Ministerstva abarony, kiraŭnik vajennaha viedamstva vystupić pierad udzielnikami sustrečy
pa pytańniach farmiravańnia vysokaha maralnaha duchu, patryjatyzmu hramadzian krainy jak najvažniejšaha faktaru zabieśpiačeńnia nacyjanalnaj biaśpieki dziaržavy ŭ sučasnych umovach.
Na mierapryjemstvie adbudziecca ŭznaharodžańnie pieramožcaŭ konkursu na lepšyja tvory litaratury i mastactva, pryśviečanyja 65‑hodździu vyzvaleńnia Biełarusi ad niamiecka‑fašysckich zachopnikaŭ, 65‑hodździu Pieramohi savieckaha naroda ŭ Vialikaj Ajčynnaj vajnie i sučasnamu žyćciu Uzbrojenych sił.
U adpaviednaści z rašeńniem žury pieramožcami i łaŭreatami konkursu stali 18 udzielnikaŭ, siarod jakich piśmieńniki, mastaki, skulptary, žurnalisty, režysiory, akciory, scenarysty — Hieroj Biełarusi, narodny mastak SSSR i Biełarusi Michaił Savicki, narodny artyst SSSR i Biełarusi, kampazitar Ihar Łučanok, narodny artyst Biełarusi, kampazitar Leanid Zachleŭny, narodny teatr «Pilihrym» (Połack) i tvorčy kalektyŭ Bresckaha abłasnoha teatra dramy i muzyki, režysior kinastudyi «Biełaruśfilm» Alaksandr Jafremaŭ, skulptary Alaksandr i Michaił Kastrukovy i inš.