Viktar Šałkievič aščaśliviŭ svaich słuchačoŭ siomym albomam
U Minsku prajšła prezientacyja novaha alboma hrodzienskaha barda «Ščaślivaja siamiorka».
29.04.2010 / 01:36
U Minsku prajšła prezientacyja novaha alboma hrodzienskaha barda «Ščaślivaja siamiorka».
Na kancert u Minsk Šałkievič pryvioz akardeanista Barysa Fadzina i skrypača Viačasłava Pańka.
Zała Pałaca kultury vieteranaŭ u Minsku, u jakoj uviečary 28 krasavika prezientavaŭ svoj novy albom hrodzienski bard i aktor Viktar Šałkievič, zdajecca, idealna pasuje da takich mierapryjemstvaŭ. Nievialikaja, dosyć utulnaja. Ale ź pieršych akordaŭ «Takoj doŭhaj zimy» pačało źjaŭlacca naviaźlivaje adčuvańnie taho, što čahości ŭ interjery brakuje, štości tut nastojliva patrabuje pierastanoŭki. I nieŭzabavie zdahadka pryjšła ŭ vyhladzie kinošnaha vobrazu: zała hladziełasia b jašče bolš arhanična, kali b ź jaje prybrać šerahi kresłaŭ i zamiest ich pastavić stoliki. Uražańnie hetaje padmacoŭvaŭ akampaniemient zaprošanych na kancert akardeanista Barysa Fadzina i skrypača Viačasłava Pańka. Dy heta zusim nie aznačaje, što Šałkieviča možna słuchać u jakaści restarannaha fonu. Akurat taki jahonyja pieśni i pradmovy da ich naŭradci dali b kamuści zasumavać dy adciahnuć uvahu na inšaje.
Prezientujučy minčukam «Ščaślivuju siamiorku» — novyja pieśni i aniekdoty, jak paznačana na vokładcy novaha albomu — Viktar pierasypaŭ svaje pieśni novymi i starymi pokazkami, jakija ŭžo sami pa sabie stali tvorami. Praanansavaŭšy pieśniu
U novych pieśniach ad Šałkieviča dastajecca nie tolki
Ładnuju častku imprezy muzyka addaŭ
Dvaccataj pa liku była pieśnia z «Ščaślivaj siamiorki» «Leta, jakoje my znoŭ zmarnavali». Jana ŭžo hučała ŭ hety viečar i ad taho ŭ hałavie pasialiłasia tryvožnaja dumka: «Nu jak ža tak — demakrataŭ beścić, a sam u kamiercyju ŭdaryŭsia, pijaryć biessaromna novy albom?!" Ale nie los byŭ hetaj dumcy spraŭdzicca — mienš čym praz paŭchviliny paśla sychodu za kulisy Viktar z muzykami viarnuŭsia. Kab ź firmovaj uśmieškaj praśpiavać «Kukaraču», taksama na bis.