Vital Rymašeŭski: U mianie najbolšyja šancy stać adzinym kandydatam ad BNB
+ dadalisia fotazdymki
Biełaruskaja chryścijanskaja demakratyja i «Małady front» prezientavali svoj płan vyznačeńnia adzinaha kandydata.
06.05.2010 / 13:03
Častka arhanizacyi ź Biełaruskaha niezaležnickaha błoku prezientavała svoj prajekt vyłučeńnia adzinaha kandydata ad demakratyčnych siłaŭ. Hety prajekt raspracoŭvali Biełaruskaja chryścijanskaja demakratyja, Ruch «Razam», «Małady front» i «Pravy aljans».
Miechanizm vyłučeńnia nastupny: kožny pretendent da 1 červienia padpisvaje zajavu, dzie zhadžajecca ŭdzielničać u hetaj pracedury. Taksama biare na siabie abaviazki, u vypadku nie abrańnia, dałučycca da kamandy adzinaha kandydata.
Da 27 lipienia kandydaty farmirujuć inicyjatyŭnuju hrupu pa zbory podpisaŭ. Stvarajecca admysłovaja kamisija, u jakuju ŭvachodziać pradstaŭniki ŭsich pretendentaŭ i Rady intelihiencyi, jakaja budzie praviarać sapraŭdnaść śpisaŭ (šlacham telefanavańniaŭ i sustreč).
25 žniŭnia ž budzie abvieščanaje imia adzinaha kandydata.
Pa słovach sustaršyni BCHD Vitala Rymašeŭskaha, 5 maja hety prajekt byŭ pradstaŭleny pierad Radaj intelihiencyi. «Pryncypovych piarečańniaŭ jon nie vyklikaŭ. Prajekt hatovyja padtrymać Mikoła Statkievič, Anatol Labiedźka, Lavon Barščeŭski. Dasłany prajekt i ŭ Ruch «Za Svabodu», — kaža V.Rymašeŭski.
Hałoŭnaj umovaj, jakoj pavinien adpaviadać kandydat źjaŭlajecca damahańnie padtrymki bolšaści vybarščykaŭ i zatym zdolnaść abaranić pieramohu ŭsimi mahčymymi srodkami. U pryvatnaści, u vypadku falsifikacyj, kandydat biare na siabie adkaznaść za arhanizacyju masavych demanstracyj u svaju padtrymku».
«Kali b ja nie spadziavaŭsia stać adzinym, to nie davaŭ by zhody vyłučacca ad BCHD, — kaža V.Rymašeŭski. — Na siońnia ja maju samyja vialikija šancy stać adzinym ad Biełaruskaha niezaležnickaha błoka. Zrešty, u inšych kandydataŭ jość čas, kab uzmacnić svaje pazicyi».
Namieśnik Ruchu «Za Svabodu» Juraś Hubarevič, jaki prysutničaŭ u jakaści słuchača na hetaj prezientacyi, ličyć, što hałoŭnym kandydatam jon ličyć Alaksandra Milinkieviča.
Źmicier Daškievič.
Ju.Hubarevič razmaŭlaje z žurnalistami.