Sidorski adpraviŭsia z rabočym vizitam u Tatarstan

14.05.2010 / 11:29

Premjer‑ministr Biełarusi Siarhiej Sidorski siońnia adpraviŭsia z rabočym vizitam u Respubliku Tatarstan Rasijskaj Fiederacyi. Vizit pradoŭžycca pa 15 maja.

U skład delehacyi ŭvajšli kiraŭniki halinovych ministerstvaŭ, a taksama pradstaŭniki dziełavych kołaŭ. Asnoŭnaja meta vizitu — uzhadnieńnie sumiesnych dziejańniaŭ pa dalejšamu pašyreńniu i pahłybleńniu dvuchbakovaha supracoŭnictva, uklučajučy raźvićcio pramysłovaj kaapieracyi.

Płanujecca, što siońnia adbudziecca sustreča Siarhieja Sidorskaha z prezidentam Respubliki Tatarstan Rustamam Minichanavym. U hety dzień kiraŭnik biełaruskaha ŭrada pabyvaje na budaŭničaj placoŭcy Vioski Univiersijady‑2013, naviedaje Kazanskuju akademiju tenisa, IT‑park, technapark «Ideja». Praduhledžvajecca taksama naviedvańnie technapolisa «Chimhrad».

Čakajecca, što 15 maja premjer‑ministr aznajomicca z rabotaj AAT «KamAZ» u Nabiarežnych Čaŭnach, naviedaje zboračnuju vytvorčaść traktaroŭ «Biełarus» u AAT VA «JełAZ», aŭtamabilnuju vytvorčaść TAA «Solers‑Ałabuha» i TAA «Handlovy Dom MTZ‑JełAZ». Prahramaj vizitu praduhledžany i inšyja mierapryjemstvy.

BIEŁTA