U Słonimie milicejski UAZ prataraniŭ «Micubisi»
+ fota
Milicejskaje aŭto ruchałasia na vialikaj chutkaści pa sustrečnaj pałasie.
17.05.2010 / 19:02
Fota forum.onliner.by
U niadzielu ŭviečary, 16 maja, prykładna ŭ 20.00, aŭtamabil UAZ patrulna-pastavoj słužby słonimskaj milicyi, ruchajučysia na vysokaj chutkaści pa Savieckaj vulicy, vyjechaŭ na pałasu sustrečnaha ruchu i sutyknuŭsia z aŭtamabilem «Micubisi», paśla čaho ŭrezaŭsia ŭ słup.
Ad udaru «Micubisi» vykinuła na sustrečnuju pałasu. Ci byli na aŭtamabili PPS ŭ momant DTZ ŭklučany śpiecsihnały, vyśvietlić śledstva, tak jak u kožnaha z paciarpiełych na hety kont svaja viersija.
Darečy, tarmazny šlach aŭtamabila UAZ skłaŭ bolš za 30 mietraŭ.
Apošniaje hučnaje zdareńnie z udziełam transpartu MUS adbyłasia ŭ Babrujsku ŭ krasaviku. Tady milicejskaje aŭto na vialikaj chutkaści vylecieła z darohi, prajechała pa chodnikach i ŭrezałasia ŭ dreva ŭ ličanych mietrach ad prypynku hramadskaha transpartu.