U centry Miensku znajšli pareštki mamanta
Ab takoj znachodcy letucieje kažny navukoviec
18.09.2006 / 14:44
Unikalnuju znachodku zrabili ŭ centry Miensku rabotniki na budoŭli metro. Pra pareštki mamanta jany adrazu paviedamili navukoŭcaŭ-historykaŭ
Pareštki tyja znajšoŭ ekskavatarščyk. Jahonyja kalehi pryznajuć: kaŭšom jon pracuje spraŭna, navat z vyšyni svaje kabiny adčuvaje luby pabočny pradmiet. Choć pavodle adukacyi jon nie historyk, haspadara znojdzienaj kostki vyznačyŭ zrazu: mamant. I adrazu paviedamiŭ navukoŭcaŭ-historykaŭ. A sam skončyŭ źmienu i ścipła pajšoŭ dachaty.
Znojdzienaja halonačnaja kostka ŭdoŭžki siahaje blizka adnaho metra. Pra sapraŭdnyja habaryty žyvioliny vypadaje tolki varažyć. Ciažka ŭjavić, ale pa terytoryi siońniašniaha Miensku 30 tysiačaŭ hod tamu volna špacyravali mamanty.
Ab takoj znachodcy latucieje kažny navukoviec. U Biełarusi za 300 hod paleantalahičnych daśledavańniaŭ znajšli ŭsiaho blizka sotni pareštkaŭ staražytnych žyvioł.
Kali zdahadki navukoŭcaŭ paćvierdziać, dyk u historyju Biełarusi zapišacca jašče adzin niaviedamy epizod historyi. Mnoha tysiačaŭ hod tamu na staličnych praściahach mirna suisnavali staražytnyja prodki biełarusaŭ i hihanckija mamanty. Ci suładna jany žyli – historyki daviedajucca naŭrad. Ale ž voś paćvierdzić svaje mierkavańni mohuć. Hałoŭnaje, kab «Metrabud» pajšoŭ nasustrač navucy i na peŭny čas prypyniŭ budaŭnictva metro.