На латвійскіх грошах з'явілася рапуха
Лічыцца, што рапуха прыносіць ў дом шчасце.
04.06.2010 / 18:56
Банк Латвіі выпусціў у абарот новы лат, на рэверсе якога намаляваная рапуха. Грошы адчаканены на манетным двары Staatliche Münze Berlin у Германіі.
Даследчыца латышскага фальклору і міфалогіі Яніна Курсітэ тлумачыць, што ў Латвіі заўсёды шанавалі рапух. «Ропа несла ў дом шчасце. Раней іх паілі малаком, каб яны прыносілі ў хату ўдачу», — распавяла яна і дадала, што таксама рапуха нясе ў дом багацце.