Cутычкі узбекаў і кіргізаў у Кыргызстане: загінулі 49 чалавек
11.06.2010 / 10:21
Як найменей 49 чалавек загінулі ў выніку новай успышкі гвалту на поўдні Кыргызстана. Міністэрства аховы здароўя паведаміла, што прыкладна 700 чалавек былі параненыя.
Паводле паліцыі, у бойках удзельнічалі некалькі тысяч чалавек. Групы маладых людзей у Ошы і іншых гарадах вобласці білі шыбы, палілі аўтамабілі. Выкарыстоўвалася агнястрэльная зброя.
Пераходны ўрад увёў у Ошы рэжым надзвычайнага становішча, але войскі пакуль не здольныя ўтаймаваць сітуацыю.