Суд па справе Панамарова адбудзецца ў Нясвіжы
Пачатак працэсу ў панядзелак 14 чэрвеня ў 11.30.
11.06.2010 / 18:00
Пачатак працэсу ў панядзелак 14 чэрвеня ў 11.30.
14 чэрвеня ў панядзелак у 11.30 у Нясвіжскім раённым судзе адбудзецца разгляд адміністрацыйнай справы ў дачыненні да клецкага апазіцыянера Сяргея Панамарова. Так пастанавіў Мінскі абласны суд.
Нагадаем, што 15 сакавіка гэтага года ён звярнуўся ў пракуратуру Клецкага раёна са скаргай на дзеянні начальніка клецкай ЖКГ Аляксандра Навіцкага. Аднак у праваахоўных органах заяве Панамарова ходу не далі, затое распачалі ў дачыненні да яго адміністрацыйную справу паводле сустрэчнай заявы Навіцкага. У выніку Клецкі раённы суд прысудзіў Панамарову штраф.
28 траўня Мінскі абласны суд пастанавіў адмяніць рашэнне Клецкага раённага суда і накіраваў справу да іншага суддзі на новы разгляд. Пры гэтым было адзначана, што суд над Панамаровым адбываўся з парушэннем шэрагу артыкулаў ПВКаАПу.