«Hazprom» zajaŭlaje, što pa ŭmovach kantrakta ničoha nie vinien Biełarusi
25.06.2010 / 14:39
«Hazprom» apłaciŭ tranzit hazu pa biełaruskaj terytoryi ŭ adpaviednaści ź dziejnym kantraktam i nie maje doŭhu pierad Biełarussiu.
Pra heta zajaviŭ 25 červienia aficyjny pradstaŭnik rasijskaha kancerna Siarhiej Kupryjanaŭ, kamientujučy słovy prezidenta Biełarusi, paviedamlaje RIA Novosti.
Siońnia Alaksandr Łukašenka na naradzie z uradam pa supracoŭnictvie z KNR zapatrabavaŭ ad Maskvy na praciahu sutak poŭnaściu pahasić zapazyčanaść za tranzit hazu pa terytoryi Biełarusi. «Jašče raz papiaredžvaju ŭrad: niavypłata «Hazpromam» u poŭnym abjomie pasłuh u najbližejšyja sutki pavinna pryvieści da prypynieńnia ŭsiakich pasłuh dla Rasijskaj Fiederacyi pa transparciroŭcy vuhlevadarodnaj syraviny — nafty i hazu», — zajaviŭ jon.
«Hazprom» 24 červienia pieraličyŭ Minsku 228 młn. dołaraŭ za tranzit hazu, ale Minsk patrabavaŭ 260 młn. i praciahvaje nastojvać na hetaj ličbie. Raźbiežka ŭźnikła ŭ suviazi z roznymi pohladami bakoŭ na staŭku tranzitu: u Biełarusi havorać pra 1,88 dalara za tysiaču kubamietraŭ hazu na 100 km, u Rasii — pra 1,45 dalara.