Pa Vilni budzie jeździć biełaruski tralejbus «Vitaŭt» + fota
29.06.2010 / 13:32
Na hetym tydni ŭ stalicu Litvy prybudzie novy minski tralejbus «Vitaŭt», sałon jakoha abstalavany nie tolki miescami dla invalidaŭ i baćkoŭ z maleńkimi dziećmi, ale i asobnymi placoŭkami dla ravarystaŭ.
Zdymak Siarhieja Sierabro, Narodnyja naviny Viciebska.
Zaraz vilenski park naličvaje 320 tralejbusaŭ, adnak, na dumku jaho dyrektara Romułdasa Stryški, 200 ź ich treba zamianić, prynamsi, mianiać pa 30‑40 na hod.
Nabytyja 4 hady tamu polskija tralejbusy «Salarys»kaštavali pa 1,4 młn. litaŭ (1,5 młrd rubloŭ), «Vitaŭt», u zaležnaści ad kursu dalara, budzie kaštavać paradku 600 000 litaŭ (650 młn rubloŭ).
Pavodle vice‑mera Vilni Romasa Adamavičusa, na vulicach stalicy źbirajucca vyprabavać nie tolki biełaruski «Vitaŭt», ale i tralejbusy inšych vytvorcaŭ.
Horadu heta ničoha nie budzie kaštavać, bo zvyčajna firmy sami prapanujuć vypraboŭvać mašyny, kab patencyjnyja pakupniki mahli adčuć, ci padychodzić transpartny srodak.