Dzie žyvie Łukašenka?
U kiraŭnika dziaržavy jak minimum dziesiać rezidencyj.
29.06.2010 / 16:33
Kampanija «Trajpł» pavinna terminova, da kanca 2010 hoda, ŭźvieści na terytoryi Biełaviežskaj puščy «kompleks zbudavańniaŭ pa abłuhoŭvańni delehacyj». Taki zahad utrymlivajecca ŭ śpiecyjalnym ukazie prezidenta Biełarusi.
«Trajpł», što naležyć blizkamu da ŭłady biznesoŭcu Juryju Čyžu, abaviazany zbudavać kompleks u nacyjanalnym parku zadarma.Uzamien kampanija atrymaje padatkovyja lhoty. Vyhladaje na toje, što Alaksandr Łukašenka choča zajmieć novuju haściavuju rezidencyju ŭ lehiendarnaj Biełaviežy, dzie ŭžo jość nie mienš lehiendarnyja «Viskuli». Jakija jašče miescy pracy i adpačynku maje kiraŭnik dziaržavy?
Łužok pierad rezidencyjaj ŭ «Drazdach».
«Prezidencyja» zajmaje ceły kvartał.
Miesca byłoj prapiski Łukašenki ŭ centry karcinki.
«Viskuli» - tut razvaliŭsia SSSR.
Asnoŭnaje jaho pracoŭnaje miesca znachodzicca ŭ centry stalicy. Adras «Marksa, 38» paśpieŭ stać naminalnym nazoŭnikam. Były šaścipaviarchovy budynak CK KPB u narodzie nazyvajecca «Čyrvonym domam». Zrešty, i ŭnutranaja tapanimika źviazanaja z kolerami. U Biełaj zale prymajucca zamiežnyja delehacyi, Błakitnaja i Zialonaja vykarystoŭvajucca dla sustreč
U centry Minska znachodzicca jašče adna «staŭka» kiraŭnika vykanaŭčaj ułady. Jaje adras — Vajskovy zavułak, 4. Tut prezident žyŭ da svajho pierasialeńnia ŭ Drazdy i navat byŭ prapisany. Ciapier u budynku prachodziać pasiedžańni Sadružnaści niezaležnych dziaržaŭ.
Jašče adzin majontak kiraŭnika dziaržavy, nazva jakoha stała ŭžo nazyŭnoj, — «Drazdy». Jon znachodzicca na vyjeździe ź Minska ŭ bok Maładziečna. Svaju viadomaść pasiołak atrymaŭ u 1998 hodzie, kali ź jaho, spasłaŭšysia na ramont kanalizacyi, hvałtam pavyhaniali pasłoŭ zamiežnych krain, što mieli tam rezidencyi. Łukašenka žyvie tut pastajanna.
U susiednich katedžach — samyja ŭpłyvovyja čynoŭniki — prem'Zaŭsiody pad rukoj.jer-ministr Siarhiej Sidorski, staršynia Nacbanka Piotr Prapakovič,vice-prem jery i ministry…
«Dalniaj dačaj» Łukašenki ličycca «Aziorny». Hetaja rezidencyja znachodzicca ŭ Astrašyckim haradku — niepadalok ad Minska ŭ bok Łahojska. Za savietami tut była zaharadnaja rezidencyja maršała Cimašenki. Na vypadak niebiaśpieki na jaje terytoryi znachodzicca bunkier, jaki musiŭ vytrymać navat jadzierny ŭdar. Łukašenka padvysiŭ abaronazdolnaść «Aziornaha», zahadaŭšy abnieści rezidencyju i sasońnik vakoł jaje trochmietrovym płotam z kalučym drotam naviersie. Za płotam — achoŭnyja vyški z pražektarami, a ŭzdoŭž jaho ŭzaranaja pałasa. Pobač z rezidencyjaj znachodziacca leciščy tvorčaj elity krainy — artystaŭ, mastakoŭ i muzykantaŭ.
Letaś u Astrašyckim haradku aŭralna skančałasia rekanstrukcyja škoły. Kazali, što mienavita ŭ jaje budzie chadzić małodšy syn Łukašenki Mikałaj, ale «pieršy raz u pieršy kłas» pieranieśli na
Rezidencyja ŭ «Viskulach» nie ŭ pašanie ŭ kiraŭnika dziaržavy. Ci to drennyja asacyjacyi z razvałam SSSR, ci to addalennaści ad Minska… Alaksandr Łukašenka redka ŭpryhožvaje palaŭničy damok savieckaj partnamienkłatury svajoj prysutnaściu.
Dźvie rezidencyi z nazvami
Na byłoje lecišča Piatra Mašerava na terytoryi Biarezinskaha hidrałahičnaha zapaviednika ciapierašni kiraŭnik dziaržavy pryjazdžaje redka. Nievialiki ŭčastak «Biarezinskaje» ŭklučaje ŭ siabie trochpaviarchovy dom i štučny plaž. U časy niezaležnaści vakoł rezidencyi byŭ pabudavany płot, a taksama źjaviŭsia
Rezidencyja «Płaŭna» ŭ tym samym zapaviedniku — abjekt pabudavany ŭ časy kiravańnia Łukašenki. Mahčyma, tut adpačyvaŭ paśla pryjezdu ŭ našu krainu zrynuty prezident Kyrhyzstana Kurmanbiek Bakijeŭ.
Paleskaja rezidencyja kiraŭnika dziaržavy znachodzicca ŭ Pietrykaŭskim rajonie kala ahraharadka «Laskavičy».
Dziakujučy prestyžnamu susiedstvu, vulicy nasielenaha punkta zamoščanyja tratuarnaj plitkaj, a damy ababityja sajdynham.Tut zdymaŭsia film «Na śpinie ŭ čornaha kata», z unučkaj Łukašenki Viktoryjaj u adnoj z hałoŭnych rolaŭ.
Chadzili čutki, što Alaksandr Łukašenka maje namier zabrać sabie pad rezidencyju i Niaśvižski zamak. Rekanstrukcyja hetaha pomnika, uklučanaha ŭ śpis JUNIESKA, praciahvajecca. Pabačym, jakim budzie jahonaje pryznačeńnie.