Siarhiej Čały: «Da pačatku vosieni jeŭra dasiahnie 1,37–1,39 dalara»
5.07.2010 / 18:19
Niezaležny ekanamist daje niečakany prahnoz nakont pavodzinaŭ jeŭrapiejskaj valuty.
Niezaležny ekanamist Siarhiej Čały štomiesiac publikuje prahnoz pavodzinaŭ jeŭra i dalara na bližejšy čas. Letaś jon dakładna pradkazaŭ padzieńnie jeŭrapiejskaj valuty da krytyčnaha šmatihadovaha minimuma. Ciapier, u novym prahnozie, raźmieščanym u błohu , jon pierakonvaje — jeŭra nie zdasca.
Pavodle jahonych padlikaŭ, da 15 lipienia jeŭra dasiahnie ŭzroŭnia 1,31–1,32 u adnosinach da dalara.Dalej adbudziecca trotydniovaje pavolnaje padzieńnie da 1,30, i, narešcie, rezki ŭzdym da 1,37–1,39.
Pik jeŭra, na dumku ekanamista, «prymierkavany» nasiaredzinu-kaniec žniŭnia.
Na dadzieny momant jeŭra roŭnaje 1,25 dalara za košt uzdymu na minułym tydni. Pa kursie Nacbanka, košt dalara składaje 3015 rubloŭ, a jeŭra — 3780 rubloŭ. Darečy, adrazu paśla devalvacyi biełaruskaj valuty ŭ pačatku 2009 hoda kurs jeŭrapiejskaj valuty byŭ ustalavany padobnym na ciapierašni — 3700 rubloŭ.