Ва Угандзе выбухі забілі каля 60 чалавек
Бомбы выбухнулі ў двух перапоўненых рэстаранах, дзе людзі сачылі па тэлевізары за чэмпіянатам свету па футболе.
12.07.2010 / 10:29
Выбухі разбурылі будынкі ў цэнтры Кампалы, сталіцы Уганды. Бомбы выбухнулі ў двух перапоўненых рэстаранах, дзе людзі сачылі па тэлевізары за чэмпіянатам свету па футболе.Паводле апошніх паведамленняў, 60 чалавек забітыя, сярод іх і замежнікі, адзін амерыканец.
Паліцыя падазрае, што тэракт магла ўчыніць самалійская групоўка Аль Шабаб, блізкая да Аль Кайды. Прадстаўнік Белага Дому заявіў, што Злучаныя Штаты гатовыя аказаць неабходную дапамогу ўраду Уганды.