Źniščany pomnik Bahuševiču? Nie, idzie rekanstrukcyja
dadaŭsia adkaz z Ašmianskaha rajvykankama
12.07.2010 / 16:11
Na vychadnych u Redakcyju NN napisaŭ čytač. Vandravali pa paŭnočnym zachadzie. Bačyli dzikaść: z mahiły Franciška Bahuševiča ŭ Župranach źnik pomnik. Mahiła nahadvaje miesca ataki vandałami. Što takoje? Raźbiaryciesia.
Tak vyhladaje mahiła piśmieńnika siońnia.
Hod ža jubilejny — 170 hadoŭ z z naradžeńnia, 110 hadoŭ ad času śmierci čałavieka, jaki zamacavaŭ za biełarusami samanazvu "biełarusy".
Čytač prysłaŭ i fota razburanaj mahiły.
Stali my raźbiracca, jakija dakładna pracy buduć pravodzicca: restaŭracyja, rekanstrukcyja ci zamiena pastamienta, na jakim znachodziŭsia bareljef.
U adździele kultury Ašmianskaha rajvykankama, jaki adkazvaje za pomnik, tolki adzin čałaviek vałodaje poŭnaj infarmacyjaj. Ale jon admoviŭsia što-niebudź raskazvać, spasłaŭšysia na toje, što znachodzicca ŭ Minsku na kursach. I da viartańnia ŭ Ašmiany razmaŭlać pa pracoŭnych pytańniach nie źbirajecca.
Vo zašuhanyja našy čynoŭniki: nu što, zdavałasia b, adkazać na prostaje pytańnie?
Ničoha nie viedajuć ab pracach u Župranach i ŭ muziei Bahuševiča ŭ Kušlanach.
Miž tym z 2003 hoda pomnik uniesieny ŭ Dziaržaŭny śpis historyka-kulturnych kaštoŭnaściaŭ Respubliki Biełaruś.
I voś praź niekalki hadzin paśla publikacyi materyjała na sajcie NN u kamientarach źjaviŭsia adkaz.
«Uvažajemyje avtory piśma i staťji, posietitieli sajta. Nam očień prijatno, čto vy vyskazali svoju obiespokojennosť po povodu pamiatnika F.Bohušieviču. Uvieriajem vas, čto akta vandalizma nad pamiatnikom sovieršieno nie było.
V jubilejnyj hod poeta otdieł kultury Ošmianskoho rajispołkoma zapłanirovał raboty po zamienie pamiatnika F.Bohušieviču i jeho rodstvieńnikam. V maje było połučieno razriešienije Ministierstva kultury Riespubliki Biełaruś na proviedienije ich zamieny.
Za sčiet sponsorskoj pomoŝi užie sdiełany pamiatniki iz hranitnoho kamnia s sochranienijem vsiech konstruktivnych čiert i v bližajšieje vriemia budut ustanovleny.
Na śnimkach kak raz i pokazany raboty, kotoryje viedutsia po ich zamienie».
Što ž, pryjemna čuć. I pryjemna, što jość u krainie takija sponsary.
* * *
Francišak Bahuševič (1840-1900). Adzin z pačynalnikaŭ novaj biełaruskaj litaratury. Naradziŭsia ŭ falvarku Śvirany. Udzielnik paŭstańnia 1863-1864 hadoŭ. Ratujučysia ad mahčymych represij, vyjechaŭ va Ukrainu. U 1884 pryjechaŭ u Vilniu, dzie pracavaŭ u sudovaj pałacie. Pad psieŭdanimami nadrukavaŭ zborniki vieršaŭ «Dudka biełaruskaja», «Smyk biełaruski». Z 1898 hoda žyŭ u Kušlanach (Smarhonščyna), pachavany ŭ Župranach (Ašmianščyna), na vysokaj hary tamtejšych mohiłak, kala kaścioła. Jamu naležać słovy: «Nie pakidajcie ž movy našaj biełaruskaj, kab nie ŭmiorli».