U Biełarusi 700 praviednikaŭ narodaŭ śvietu
Pamiatnyja miedali ŭručyŭ Prezident Izraila Šymon Pieres biełaruskaj delehacyi praviednikaŭ narodaŭ śvietu ŭ čas ich pieršaha aficyjnaha vizitu ŭ Izrail.
16.07.2010 / 17:02
Pamiatnyja miedali ŭručyŭ Prezident Izraila Šymon Pieres biełaruskaj delehacyi praviednikaŭ narodaŭ śvietu ŭ čas ich pieršaha aficyjnaha vizitu ŭ Izrail. Ab hetym raskazali ŭdzielniki pajezdki na sustrečy ŭ Minskim jaŭrejskim abščynnym domie.
Centralnaj padziejaj pajezdki staŭ uračysty pryjom dla biełaruskaj delehacyi ŭ rezidencyi Prezidenta ŭ Ijerusalimie. Uručajučy ŭznaharody, Šymon Pieres, uradženiec vioski Višnieva Vałožynskaha rajona Minskaj vobłaści, ščyra padziakavaŭ ludziam, jakija ratavali jaŭrejaŭ u hady Vialikaj Ajčynnaj vajny, ryzykujučy ŭłasnym žyćciom.
Biełaruskaja hrupa praviednikaŭ (dzieviać čałaviek) i ich rodnych naviedała Izrail 20‑25 červienia. Vizit byŭ prymierkavany da 65‑hodździa Vialikaj Pieramohi i arhanizavany Ministerstvam zamiežnych spraŭ Izraila pry sadziejničańni pasolstva Izraila ŭ Biełarusi. Za čatyry dni znachodžańnia ŭ Izraili členy delehacyi nie tolki sustrelisia z kiraŭnikom dziaržavy, ale i naviedali miemaryjalny kompleks «Jad Vašem» u Ijerusalimie, zrabili ekskursii pa Ijerusalimu i Tel‑Avivu, źjeździli na Miortvaje mora i pabyvali ŭ Kniesiecie (parłamiencie), dzie sustrelisia z deputatami.
Hanarovaje zvańnie Praviednik narodaŭ śvietu prysvojvajecca ŭ Izraili pradstaŭnikam inšych narodaŭ, jakija ŭ pieryjad chałakostu ratavali abo sadziejničali ratavańniu jaŭrejaŭ. U honar kožnaha praviednika na alei ŭ Ijerusalimie sadžajecca dreva. U Biełarusi zvańnie Praviednik narodaŭ śvietu prysvojena amal 700 žycharam.