Dzie ŭ Biełarusi zabaroniena kupacca
Pad zabaronu trapili 32 miescy masavaha adpačynku.
17.07.2010 / 12:59
Pastanovy na zabaronu kupańnia vyniesieny ŭ dačynieńni da 32 miescaŭ masavaha adpačynku, paviedamlaje Respublikanski centr hihijeny, epidemijałohii i hramadskaha zdaroŭja.
U redkasna śpiakotny lipień moładź pieramiaściłasia da vady.
Tak, u Bresckaj vobłaści zabaroniena kupacca ŭ 13 miescach adpačynku. Heta zona adpačynku voziera Kaciera Kamianieckaha rajona, plaž raki Lasnaja ŭ Kamiancy, vadajom azdaraŭlenčaha łahiera «Čajka» Lachavickaha rajona, miesca adpačynku la vady vioski Alšany Stolinskaha rajona, plaž «Centralny» ŭ Breście, zona adpačynku raki Ščara ŭ vioscy Darava Lachavickaha rajona, zona adpačynku raki Viedźma ŭ Lachavičach, haradski plaž na voziery Vizžar ŭ Žabincy, zona adpačynku sanatoryjaŭ «Buh» i «Nadzieja» na race Muchaviec Žabinkaŭskaha rajona, zona adpačynku sažałki «Pałonka», na vadajomie «Pavlinovo» i na vadaschoviščy «Myšanka» Baranavickaha rajona.
U Homielskaj vobłaści taksama nielha kupacca ŭ 13 miescach. Šeść ź ich zakryty
U Viciebskaj vobłaści zabarona na kupańnie vyniesieny ŭ zonie adpačynku voziera Janava Połackaha rajona, aziory Ščaty, Homiel i Suja Połackaha rajona. U Mahiloŭskaj vobłaści zabaroniena kupacca na haradskich plažach na race Dniepr u Mahilovie i Škłovie. Asnoŭnaja pryčyna zabarony kupańnia — nieadpaviednaść probaŭ vady pa mikrabijałahičnych pakazčykach, to jość pieravyšeńnie dapuščalnaha ŭtrymańnia kišečnych pałačak, zdolnych vyklikać kišačnyja razłady.
Razam z tym, zabarony na kupańnie pakul nie vynosilisia ŭ Minsku, Minskaj i Hrodzienskaj abłaściach. Pa stanie na 7 lipienia było zabaroniena kupacca ŭ 29 miescach masavaha adpačynku.