Pačynajecca siezon zornych daždžoŭ
Ziamla ŭvachodzić u patok Piersieidaŭ. Za hadzinu na biaschmarnym niebie možna ŭbačyć da sotni jarkich mieteoraŭ.
17.07.2010 / 15:23
«Zorny» pieryjad siońnia, 17 lipienia, adkryvaje mieteorny patok Piersieidy. Jon budzie bačny da 24 žniŭnia. Heta najbolš značny i vidoviščny mieteorny doždž hoda. Za hadzinu na biaschmarnym niebie možna ŭbačyć da 100 jarkich mieteoraŭ.
Hety patok štohod źjaŭlajecca z boku suzorja Piersieja. Utvarajecca ŭ vyniku prachodžańnia Ziamli praz šlejf pyłavych čaścic, vypuščanych kamietaj
Taksama ad 21 lipienia da 30 žniŭnia nazirajecca jašče adzin zorkapad — delta-Akvarydy. Jon pryniasie na Ziamlu da 20 mieteoraŭ za hadzinu.
Samymi zornymi buduć nočy 30 lipienia (maksimum delta-Akvaryd) i 12–13 žniŭnia (pik Piersieid). U dobruju nadvorje jany padorać biełarusam masu mahčymaściaŭ złavić udaču za chvost i zahadać žadańnie. Nazirać ŭspyški pałajučych mieteoraŭ možna navat niaŭzbrojenym vokam. Dla lepšaj bačnaści astranomy rajać vyjści na adkrytaje miesca, dalej ad haradskich ahnioŭ.
Nastupny siezon kaśmičnych daždžoŭ adkryjecca dla žycharoŭ Biełarusi ŭ kastryčniku, ale takoha, jak u žniŭni, nie budzie. Žnivień — samy zorny miesiac u hodzie. Uvosień možna panazirać patoki Aryjanidy (maksimum 22 kastryčnika — kala 15 mieteoraŭ za hadzinu), Leanidy (maksimum 17–18 listapada — 15 mieteoraŭ za hadzinu), zimoj — Hieminidy (maksimum 13–14 śniežnia — kala 50 mieteoraŭ za hadzinu) .