Premjer Litvy vypraviŭsia ŭ pachod pa Biełarusi
Pachod na rovarach praciahniecca da 1 žniŭnia.
26.07.2010 / 10:02
25 lipienia prem'jer-ministar Litvy Andrus Kubilus u składzie hrupy z 30 čałaviek vypraviŭsia ŭ pachod na rovary pa terytoryi Biełarusi, jaki praciahniecca da 1 žniŭnia.
Siarod inšaha, maršrut projdzie praź Lidu i Niaśviž. Zaplanavanyja sustrečy udzielnikaŭ z pradstaŭnikami miascovych etničnych litoŭcaŭ i naviedvańnie imšy ŭ adnym z kaściołaŭ.
Pachod na rovarach «Zavaročvaj naprava» ładzicca ŭžo dziaviaty raz. Jaho ładzić partyja Sajuz ajčyny — chryścijanskija demakraty. Siarod turystaŭ — litoŭskija palityki, čynoŭniki, ich siabry i siamiejniki.
Padčas vizytu ŭ Miensk u kancy červienia Andrus Kubilus zaprasiŭ uziać udzieł u pachodzie biełaruskaha kiraŭnika Alaksandra Łukašenku. Adnak, jak skazała pres-sakratar litoŭskaha premjera Jarda Paŭkšcienie, hetaje zaprašeńnie było «bolš žartaŭlivym, čym aficyjnym».