U Pietrykaŭskim rajonie patanuła piacihadovaja dziaŭčynka
26.07.2010 / 14:13
U Pietrykaŭskim rajonie padčas kupańnia ŭ zatonie Prypiaci niepadalok ad vioski Laskavičy patanuła piacihadovaja dziaŭčynka, miascovaja žycharka.
Dziaŭčynka pryjšła kupacca razam z 33-hadovym sužycielem maci. Trahiedyja adbyłasia 23 lipienia.
Za minułyja vychadnyja ŭ Homielskaj vobłaści patanuli 10 čałaviek. U pryvatnaści, u Karmianskim rajonie 24 lipienia ŭ race Sož patanuŭ 36-hadovy žychar rajcentra. Jon sprabavaŭ vyratavać svajho 14-hadovaha syna, jaki tanuŭ. Padletka baćka vyratavaŭ, ale sam zahinuŭ.
25 lipienia na Biarezinie ŭ Śvietłahorskim rajonie 28-hadovaja žycharka rajcentra pry nyrańni ŭdaryłasia hałavoj ab pabočny pradmiet, straciła prytomnaść i stała tanuć. Jaje vyratavała znajomaja. Paciarpiełaja była špitalizavana.
Bolšaść patanułych u vobłaści — mužčyny siarednich hadoŭ.