Bujnaja avijakatastrofa ŭ Pakistanie
Na borcie łajniera, jaki raźbiŭsia ŭ harach, znachodziłasia 152 čałavieki.
28.07.2010 / 10:01
Pasažyrski samalot, na borcie jakoha znachodzilisia bolš za 150 čałaviek, raźbiŭsia niepadalok ad pakistanskaj stalicy Isłamabad ranicaj u sieradu, paviedamlaje Reuters sa spasyłkaj pakistanskaje ahienctva hramadzianskaj avijacyi.
Pa papiarednich dadzienych, na borcie znachodzilisia 146 pasažyraŭ i šeść členaŭ ekipaža. Samalot lacieŭ z Turcyi praz Karačy ŭ Isłamabad.
Krynica ŭ ahienctvie hramadzianskaj avijacyi paviedamlaje, što suviaź z bortam źnikła kala piataj hadziny ranicy, nieŭzabavie paśla vyletu łajniera z aeraporta Karačy na poŭdni krainy. Samalot pavinien byŭ pryziamlicca ŭ Isłamabadzie i paśpieŭ źviazacca z dyśpietčaram mižnarodnaha aeraporta pakistanskaj stalicy. U momant padzieńnia samalota byŭ mocny livień, a nad ziamloj ścialiŭsia tuman. Vidavočcy katastrofy paviedamlajuć, što za niekalki chvilin da padzieńnia łajnier lacieŭ na niezvyčajna małoj vyšyni.
Papiaredniaja infarmacyja ab acalełych u katastrofie nie padćvierdziłasia. Ułady paviedamlajuć, što znojdzienyja pareštki ŭsich zahinułych
Daždžy ŭ Isłamabadzie ljuć ŭžo druhija sutki. Užo isnuje viersija, što piłoty mahli raniej zvyčajnaha pačać zachod na pasadku praz składanyja ŭmovy nadvorja. Taksama adpracoŭvajecca viersija teraktu na borcie.
Airblue — adnosnaja novaja pakistanskaja avijakampanija, jakaja źjaviłasia tolki ŭ 2003 hodzie. Jaje park składajuć sučasnyja łajniery — Airbus A320, Airbus A321. Baza znachodzicca ŭ Mižnarodnym aeraporcie Karačy. Avijakampanija prapanuje pasažyram jak unutranyja rejsy, tak i mižnarodnyja. Pazicyjanuje siabie jak biudžetnaja avijakampanija.