Hučnaja muzyka pravakuje hałaŭnyja boli
28.07.2010 / 11:20
Čamu ŭ sučasnych padletkaŭ tak časta balić hałava? Takoje pytańnie pierad saboj pastavili daśledčyki z Univiersiteta Miunchiena.
Pryčym jany byli poŭnyja rašučaści abvinavacić u hetym šmatlikija elektronnyja pryłady, jakija z kožnym dniom usio ščylniej biaruć našych dziaciej u akružeńnie.
Adnak daśledavańni z udziełam bolš jak tysiačy dobraachvotnikaŭ apraŭdali i televizar, i kampjutar, i hulniavyja prystaŭki, i mabilny telefon. Razumnaje ich vykarystańnie hałaŭnoha bolu vyklikać nie moža. Ale vinavatyja ŭsio ž znajšlisia. Heta mahnitafony i płejery.
Siarod padyspytnych čaściej za ŭsio na hałaŭny bol skardzilisia mienavita miełamany, asabliva tyja, chto słuchaŭ muzyku daŭžej za hadzinu kožny dzień. Najbolšaja škoda ad navušnikaŭ: ad ich nie tolki balić hałava, ale i surjozna psujecca słych.