Bieraście: 30 nacyjanalnych ściahoŭ na Dzień niezaležnaści
chronika niezaležnaha hramadstva
28.07.2010 / 13:05
U Bieraści moładź BCHD dy inšych niezaležnych arhanizacyjaŭ praviała akcyju, prymierkavanuju da 20-hoddzia pryniaćcia Dekłaracyi ab dziaržaŭnym suverenitecie.
U hadzinu pik, prykładna a 18-j, uzdoŭž praśpiekta Mašerava, što prachodzić praz abodva rajony Bieraścia, byli vyviešany try dziasiatki bieł-čyrvona-biełych ściahoŭ.
Aktyvisty zamianiali vyviešanyja na Dzień horada (28 lipienia) ściahi na nacyjanalnyja.
Akcyja prajšła biez zatrymańniaŭ. Udzieł u joj brali kala 20 čałaviek.