U Biełarusi pabudujuć novyja hazapravody

26.08.2010 / 17:49

U Biełarusi płanujecca pabudavać novyja hazapravody ŭ Homielskaj, Mahiloŭskaj i Bresckaj abłaściach. Ab hetym havorycca ŭ Stratehii raźvićcia enierhietyčnaha patencyjału Respubliki Biełaruś,

U jakaści asnoŭnych napramkaŭ raźvićcia hazaraźmierkavalnaj sistemy Biełarusi na prahnazujemy pieryjad u stratehii taksama nazyvajucca budaŭnictva raźmierkavalnych hazavych sietak ad isnujučych małazahružanych stancyj da bujnych spažyŭcoŭ paliva i ich pieravod na vykarystańnie pryrodnaha hazu, pry hetym maštaby budaŭnictva buduć zaležać ad abjomaŭ pastavak hazu ŭ respubliku. Zapłanavana budaŭnictva raźmierkavalnych hazavych sietak u hazifikavanych nasielenych punktach, pieravod žyłoha fondu nasielenych punktaŭ sa zvadkavanaha na pryrodny haz.

Pavodle pryviedzienych u stratehii danych, prapusknaja zdolnaść sistemy mahistralnych hazapravodaŭ Biełarusi składaje 51 młrd. kub.m u hod, biełaruskaha ŭčastka rasijskaha hazapravoda Jamał-Jeŭropa — 33 młrd. kub.m u hod. Pa mahistralnych trubapravodach, jakija prachodziać pa terytoryi respubliki, rasijski pryrodny haz transpartujecca ŭ napramku Polščy, Ukrainy, Litvy i Kalininhradskaj vobłaści Rasijskaj Fiederacyi. Hazaraźmierkavalnaja sistema zabiaśpiečvaje dastaŭku i realizacyju pryrodnaha hazu pa raźmierkavalnych hazapravodach ahulnaj praciahłaściu 40,1 tys. km, ź ich 20,3 tys. km u sielskaj miascovaści. Pryrodnym hazam hazifikavana kala 65 pracentaŭ žyllovaha fondu respubliki.

BIEŁTA