Следства па «справе брата Дзмітрыя Паўлічэнкі» выйшла на фініш

09.09.2010 / 10:34

На фінішную прамую выходзіць следства па «справе брата Дзмітрыя Паўлічэнкі».

Камітэт дзяржбяспекі звярнуў сваю ўвагу на самую закрытую, старанна ахаваную, але добра вядомую знутры многім дзясяткам тысяч беларусаў структуру МУС.

У канцы жніўня — пачатку верасня чэкісты правялі шэраг аператыўных мерапрыемстваў у дачыненні да супрацоўнікаў Дэпартамента выканання пакаранняў (ДВП). У іх ліку апынуўся намеснік начальніка рэжымнага аддзела адной з калоній Мінскай вобласці.

Капітана ўнутранай службы чэкісты затрымалі ў працоўны час, калі ён, адзеты ў форму, накіроўваўся да месца службы. Падчас дагляду ў афіцэра выявілі амаль паўтара грама метадона, пішуць «Беларускія навіны».

Крымінальную справу распачалі па артыкуле 328 Крымінальнага кодэкса «Незаконны абарот наркатычных сродкаў, псіхатропных рэчываў і іх прэкурсараў». У цяперашні час у дачыненні да затрыманага 27-гадовага супрацоўніка ДВП праводзяцца следчыя дзеянні на прадмет высвятлення крыніцы набыцця больш чым двух дзесяткаў дозаў сінтэтычнага наркотыка, а таксама тых, для каго яны прызначаліся.

У вельмі няпростай для сябе сітуацыі апынуўся і спецыяліст упраўлення тылавога забяспечання ДВП МУС. Камітэтчыкі падазраюць падпалкоўніка ў службовым падлогу і распачалі ў дачыненні да яго крымінальную справу. Адна з фірмаў павінная была паставіць у выпраўленчыя ўстановы 5 стаматалагічных установак на агульную суму амаль 100 мільёнаў рублёў, аднак свае абавязальніцттвы яна не выканала. Але афіцэр нібыта вырашыў «прыкрыць» фірму і ўнёс у таварна-транспартную накладную загадзя ілжывыя запісы аб атрыманні абсталявання, на падставе якіх дэпартамент пералічыў грошы. Магчыма, у ходзе следства высветляцца і матывы «дабрыні» падпалкоўніка за казённы кошт.

А вось па іншай справе, распачатай КДБ у лютым гэтага года, па ўсёй бачнасці, следства ўжо выходзіць на фінішную прамую. Пачалося яно са здарэння ў адной з камер СІЗА-1, калі двое сядзельцаў атруціліся наркатычнымі рэчывамі. Тады КДБ арыштаваў супрацоўніка следчага ізалятара і пачаў праверку абароту нарказмяшчальных медыцынскіх прэпаратаў у бальніцы, якая знаходзіцца на тэрыторыі ВК-1. І факты ўсплылі непажаданыя. У выніку пад следства трапілі некалькі медыкаў, у іх ліку начальнік «бальнічкі» — брат былога камандзіра спецназа Дзмітрыя Паўлічэнкі. Абвінавачваюць яго ў тым, што ён «выконваў незаконныя загады» вышэйшага кіраўніка

У агульным жа, калі нават павярхоўна прааналізаваць кірункі, па якіх ужо «адпрацаваў» КДБ Беларусі, то ствараецца ўражанне, што

чэкісты планамерна «зачышчаюць» усе таемныя куткі праваахоўнай сістэмы дзяржавы:

belaruspartisan.org