Kastusioŭ uskłaŭ adkaznaść za śmierć Biabienina na ŭłady

09.09.2010 / 10:51

Ryhor Kastusioŭ.

Kandydat u prezidenty ad Partyi BNF Ryhor Kastusioŭ u svajoj zajavie z nahody Dnia žurnalisckaj salidarnaści ŭskłaŭ palityčnuju adkaznaść za śmierć žurnalista Aleha Biabienina na biełaruskija ŭłady.

«Dniom žurnalisckaj salidarnaści byŭ abvieščany dzień 8 vieraśnia, kali siem dziesiacihodździaŭ tamu ŭ nacysckaj viaźnicy byŭ zabity žurnalist Julijus Fučyk», — nahadaŭ Ryhor Kastusioŭ.

«Čyja b ruka ni zaciahnuła vuzieł na šyi niabožčyka — ci rasiejski FSB, adpracoŭvajučy „kyrhyzski scenar“, ci adnoŭleny „eskadron śmierci“, na jakim kroŭ Zacharanki, Hančara i Krasoŭskaha — śmierć žurnalista abumoŭlenaja tym stanam, u jaki zaviało Biełaruś šasnaccacihadovaje kiravańnie režymu Łukašenki».

Kastusioŭ zapatrabavaŭ ad uładaŭ najchutčejšaha prazrystaha śledstva datyčna abstavinaŭ śmierci Aleha Biabienina.