Kultura

Minsk. Miehadzień horada

dadalisia foty

Sport, zabavy, kirmašy, kancerty, vystavy...

Śviatočnyja mierapryjemstvy da Dnia horada, jaki ŭ Minsku adznačajuć 11–12 vieraśnia, prachodziać na 60 placoŭkach u roznych rajonach biełaruskaj stalicy, paviedamili ŭ pres-słužbie Minharvykankama.

Śviata horada źbiraje dziasiatki tysiač ludziej.

Histaryčny anturaž sioleta pachodziŭ z Rasijskaj impieryi.

Asabliva tupa vyhladali haradavyja kala Ratušy. Nasamreč akurat za cara Ratušu zrujnavali jak niebiaśpiečny simvał biełaruskaj volnaści. Tamu nijakija haradavyja kala Ratušy stajać nie mahli.

Zatoje kirmaš ramiostvaŭ byŭ tradycyjny.

Vulicy staroha horada stali piešachodnymi.

Možna było sfatahrafavacca ź biełaruskim nindzia.

Zamiest taho kab bicca rajon na rajon...

Pili i jeli - nie apošniaja sprava na śviacie.

Śviatočnyja mierapryjemstvy pačnucca 11 vieraśnia ŭ 11.00 z uskładańnia kvietak da abieliska «Minsk — horad-hieroj» na praśpiekcie Pieramožcaŭ. Zatym adbudziecca ŭračystaje adkryćcio parku Pieramohi pobač z Kamsamolskim vozieram.

Vystava-kirmaš tavaraŭ staličnych pradpryjemstvaŭ projdzie 11 vieraśnia (z 12.00 da 20.00) i 12 vieraśnia (z 11.00 da 16.00) na placoŭcy kala Nacyjanalnaj biblijateki. Tam ža z 12.00 da 17.00 adbudziecca śviatočnaja kancertnaja prahrama «Moj rodny Minsk — moj los, maja nadzieja!», jakaja zavieršycca kancertam Nacyjanalnaha kancertnaha arkiestra Biełarusi pad kiraŭnictvam Michaiła Finbierha.

11 vieraśnia ŭ Vierchnim horadzie kala Minskaj haradskoj ratušy projdzie śviata «Minsk teatralny» (z 16.00 da 20.00), na jakim uryŭki sa śpiektaklaŭ pakažuć artysty staličnych teatraŭ. Na vulicy Revalucyjnaj projdzie śviata «Minski padvorak» (z 12.00 da 20.00), u prahramie jakoha — kaściumiravanaje teatralizavanaje pradstaŭleńnie, kancertnaja prahrama, fotavystava, vystava karcin maładych mastakoŭ i studentaŭ tvorčych VNU.

Kala Pałaca sportu 11 vieraśnia (z 12.00 da 18.00) projdzie Śviata sportu i mastactva. U jaho ramkach adbudziecca vystava-kirmaš majstroŭ narodnaj tvorčaści «Kirmaš ramiostvaŭ», śviata miodu, prezientacyja sacyjalnaha taksi. Na placoŭcy kala Pałaca kultury čyhunačnikaŭ z 12.00 da 16.00 adbudziecca maładziožnaja prahrama z vystupleńniem kamand KVZ, tvorčaj moładzi horada.

Uviečary 11 vieraśnia (z 18.00 da 20.00) u Nacyjanalnym akademičnym teatry opiery i baleta adbudziecca ŭračystaja cyrymonija ŭručeńnia ŭznaharod «Minčanin hoda» i śviatočny kancert. Kulminacyjaj śviatočnaha dnia stanie fiejervierk kala abieliska «Minsk- horad-hieroj», jaki pačniecca ŭ 22.00.

Uviečary 12 vieraśnia (z 18.00 da 21.00) kala Teatra opiery i baleta projdzie kancert kłasičnaj muzyki i ŭpieršyniu budzie adkrytaja novaja placoŭka — kala spartkompleksu «Minsk-Arena» na praśpiekcie Pieramožcaŭ. Na hetaj placoŭcy projdzie maładziožnaja akcyja «Luby horad, z dniom naradžeńnia» z udziełam kalektyvaŭ i vykanaŭcaŭ roznych tancavalnych napramkaŭ i muzyčnych stylaŭ, a taksama cyrkavych artystaŭ (z 16.00 da 21.00).

Śviatočnyja mierapryjemstvy projduć taksama 11 i 12 vieraśnia va ŭsich rajonach horada.

Aficyjna dataj zasnavańnia biełaruskaj stalicy ličycca 1067 hod, kali ź`iavilisia pieršyja histaryčnyja źviestki pra Minsk, choć historyki ličać, što pasialeńni na terytoryi horada ŭźnikli značna raniej.

Ułasnaje śviata ŭ Minska ź`iaviłasia ŭ 1987 hodzie — tady jano nazyvałasia «Mastacka-spartyŭnaje śviata Minsk-87» i adznačałasia 3 lipienia, u dzień vyzvaleńnia horada ad niamiecka-fašysckich zachopnikaŭ. Z 2001 hoda Dzień horada staŭ adznačacca na druhija vychadnyja vieraśnia, a 3 lipienia ŭ Biełarusi śviatkujuć Dzień Niezaležnaści.

Kamientary da artykuła