Pamior adzin z čatyroch vajennasłužačych, što paciarpieli padčas vybuchu na palihonie pad Baranavičami
21.09.2010 / 17:02
Jak stała viadoma BiełaPAN, adzin z čatyroch vajennasłužačych, jakija atrymali ranieńni ŭ vyniku vybuchu 15 vieraśnia na adnym ź biełaruskich palihonaŭ, pamior. Chacia adrazu paśla nadzvyčajnaha zdareńnia ŭ Ministerstvie abarony zajaŭlali ab tym, što žyćcio paciarpiełych znachodzicca ŭ niebiaśpiecy.
15 vieraśnia Minabarony paviedamiła, što padčas padrychtoŭki taktyčnaha pola da praviadzieńnia strelbaŭ adbyŭsia samaadvolny vybuch raniej nie razarvanaha vybuchaniebiaśpiečnaha pradmieta. Paciarpiełym u apieratyŭnym paradku była akazana kvalifikavanaja miedycynskaja dapamoha. Pryčyny i abstaviny zdareńnia vyśviatlajucca kamisijaj Ministerstva abarony i śledčaj hrupaj Biełaruskaj vajennaj prakuratury.
Miesca, dzie adbyŭsia niaščasny vypadak, jak i prynaležnaść vajennasłužačych da kankretnaj čaści, nie nazyvalisia. Pavodle źviestak BiełaPAN, vybuch adbyŭsia na
Nahadajem, 11 červienia padčas praviadzieńnia płanavych zaniatkaŭ pa bajavoj padrychtoŭcy ŭ vyniku nieaściarožnaha abychodžańnia sa zbrojaj zahinuŭ sałdat terminovaj słužby sił śpiecyjalnych apieracyj. 23 červienia ŭ chodzie płanavych mierapryjemstvaŭ bajavoj padrychtoŭki padčas vykanańnia skačka z parašutam zahinuŭ praparščyk adnoj z čaściej SSA.