Nieviadomyja schapili Rymašeŭskaha i Sieviarynca
Ich vyvieźli ź Niamihi, kab nie dapuścić da carkvy Śviatoha Jazepa.
21.09.2010 / 19:01
A 18.55 kala stancyi mietro «Niamiha» nieviadomyja schapili sustaršyniaŭ BCHD Paŭła Sieviarynca i Vitala Rymašeŭskaha. Napadniki byli ŭ kapiušonach. Schoplenych źvieźli ŭ mikraaŭtobusie biez apaznavalnych znakaŭ. Pavaziŭšy niekalki hadzin pa horadzie, ich vysadzili na vulicy Bahdanoviča.
Taksama padčas akcyi la kaścioła Śviatoha Jazepa byli zatrymanyja Franak Viačorka, Mikoła Dziemidzienka, Źmicier Kaśpiarovič, Uładzimir Jaromienak i Kastuś Šytal.
Pačynajučy z 16 vieraśnia, akcyi za viartańnie kaścioła Śviatoha Jazepa, inicyjavanyja BCHD, adbyvajucca štodzionna. I kožny dzień paśla tych, chto, a 18-j hadzinie molicca za kaścioł, a 19-j tam źbirajucca nieabyjakavyja biełarusy, u tym liku z partretami źnikłych i palitviaźniaŭ.