Łukašenka viarnuŭ litoŭski samalot-parušalnik uładalnikam
Razabranuju na častki mašynu pryvieźli ŭ Litvu, dzie jaje źbiaruć dla dalejšaj ekspłuatacyi.
19.10.2006 / 11:03
Biełaruś viarnuła litoŭski samalot-parušalnik na radzimu, da ŭładalnikaŭ. Rašeńnie pra heta zaćvierdziŭ asabista Alaksandr Łukašenka.
Razabranuju na častki mašynu pryvieźli ŭ Litvu, dzie jaje źbiaruć dla dalejšaj ekspłuatacyi. Nahadajem, što dvuchmiascovy samalot u červieni parušyŭ pavietranuju miažu i nienamierana zalacieŭ na terytoryju Biełarusi. Biełaruskija vajskovyja samaloty prymusili jaho sieści na aeradromie ŭ Lidzie. 30-hadovaha litoŭskaha piłota-amatara i jaho siastru zatrymali na niekalki dzion, a potym departavali na radzimu. Samalot byŭ kanfiskavany i pavodle rašeńnia sudu 30 kastryčnika pavinien byŭ pajści z aŭkcyjonu, nahadvaje infarmacyjnaje ahienctva ELTA.