Названы найлепшыя віны ў свеце
04.10.2010 / 12:51
У Лондане ў рамках самага прэстыжнага віннага конкурсу International Wine Challenge эксперты вызначылі найлепшыя віны ў свеце.
Найлепшым сярод чырвоных прызнана віно маркі Brunello di Montalcino Riserva 2004 ураджаю года. Гэта італьянскае віно, што робяць у італьянскім рэгіёне Таскана ў вельмі абмежаваным аб’ёме.
Найбольшая колькасць узнагарод дасталася Францыі (21 віно), за ёй ідзе Аўстралія (12) і Партугалія (11). Усяго ў конкурсе “брала ўдзел” больш як 10 000 марак.
Таксама ў лідэры выйшлі:
Samling Trockenbeerenauslese 2007 года – найлепшае дэсертнае віно
Charles Heidsieck Millésime 2000 года – найлепшае пеністае віно
Puligny Montrachet 1/er Cru Les Chalumeaux 2007 года – найлепшае белае віно.