Siaredni pamier dapamohi pa biespracoŭi - 15 dalaraŭ

15.10.2010 / 09:39

Aficyjny ŭzrovień biespracoŭja ŭ Minsku na 1 kastryčnika 2010 hoda skłaŭ 0,4% ekanamična aktyŭnaha nasielnictva. Za vierasień hety pakazčyk nie źmianiŭsia.

Na praciahu 2009 hoda nazirałasia vahańnie ŭzroŭniu biespracoŭja ad 0,4 da 0,5%, paviedamili va ŭpraŭleńni zaniataści kamiteta pa pracy, zaniataści i sacyjalnaj abaronie Minharvykankama.

U słužbach zaniataści na 1 kastryčnika było zarehistravana 3.813 biespracoŭnych.

Siaredni pamier dapamohi pa biespracoŭi ŭ vieraśni skłaŭ 46,6 tys. rubloŭ, u žniŭni — 45 tys. rubloŭ.

U studzieni-vieraśni pa sadziejničańnie ŭ pracaŭładkavańni źviarnułasia bolš čym 19 tys. čałaviek. Na pastajannuju ci časovuju pracu pracaŭładkavana 9.643 čałavieki, ź ich 5.496 biespracoŭnych atrymali pastajannuju pracu.

Na časovuju pracu ŭ volny ad vučoby čas pracaŭładkavana 2.600 studentaŭ i školnikaŭ. Na prafiesijnuju padrychtoŭku, pierapadrychtoŭku i pavyšeńnie kvalifikacyi nakiravana 1.759 biespracoŭnych. U hramadskich rabotach uziali ŭdzieł 2.945 čałaviek, u tym liku 2.047 biespracoŭnych.

Lik zajaŭlenych vakansij na pradpryjemstvach horada na 1 kastryčnika skłaŭ 18.763, u tym liku dla pracoŭnych — 14.678.

Pry pošuku pracy da kampjutarnych infarmataraŭ źviarnulisia bolš za 257 tys. čałaviek, ankietu-reziume zapoŭnili 1.858 čałaviek.

Pavodle źviestak kamiteta, najbolš zapatrabavanymi śpiecyjalistami ŭ stalicy źjaŭlajucca vadzicieli aŭtamabilaŭ (504 vakansii), ślesary-elektraślesary (1.314), hruzčyki (194), prybiralščyki (541), miedsiostry (467), uračy-terapieŭty (116), mašynisty (338), bietonščyki (248), mulary (608), vychavacielki (385), kanduktary (626), pradaŭcy (554), inžyniery (387), milicyjaniery (317) i inš.