Sielpo abčyścili dziaŭčaty
Rabaŭniki ŭzłamali dźviarnyja zasovy i vynieśli ź viaskovaha mahazina ježu.
15.10.2010 / 11:10
U vioscy Zaprudździe (Šarkoŭščynski rajon) abčyścili kramu. Rabaŭniki ŭzłamali dźviarnyja zasovy i vynieśli ź viaskovaha mahazina ježu, ałkahol, cyharety na sumu bolš za 4 młn rubloŭ.
Milicyja chutka adšukała złačyncaŭ. Rabaŭnikami apynulisia maładyja dziaŭčaty. Adna 17-hadovaja vučanica miascovaha PTV. Druhaja na hod starejšaja za jaje, biespracoŭnaja. Suprać maładych rabaŭnic 13 kastryčnika prakuratura zaviała kryminalnuju spravu.