Čavies paabiacaŭ Biełarusi nafty na 200 hadoŭ napierad

Łukašenka — Čaviesu: Klanusia, my dla Vieniesueły zrobim stolki, što ty nikoli nie paškaduješ.

16.10.2010 / 13:12

Adkryvajučy pieramovy z Uha Čaviesam u vuzkim farmacie 16 kastryčnika ŭ Minsku, Alaksandr Łukašenka vykazaŭ udziačnaść vieniesuelskamu lidaru za dapamohu, jakuju Vieniesueła akazvaje Biełarusi.

«Ja ŭdziačny tabie nie tolki za naftu i inšyja pastaŭki, ale i za sonca, jakoje ty nam pryvioz», — skazaŭ Łukašenka.

Prezident Biełarusi padkreśliŭ, što Čavies ukłaŭ «šmat svajoj kipučaj enierhii, svajho serca ŭ budaŭnictva niezaležnaj Biełarusi».

«Nie chaču być tvaim daŭžnikom nie tolki ŭ materyjalnym sensie. Ja tabie klanusia, što my dla Vieniesueły zrobim stolki, što ty nikoli nie paškaduješ, što z nami źviazaŭsia», — zajaviŭ Łukašenka.
U svaju čarhu Čavies taksama vykazaŭ udziačnaść biełaruskamu prezidentu za dapamohu i padtrymku, jakuju Biełaruś akazvaje Vieniesuele.

Kažučy ab pastaŭkach nafty, Čavies zaznačyŭ: «My viedajem, što vašy NPZ majuć patrebu ŭ nafcie. U Vieniesueły samyja vialikija zapasy nafty.

U biełaruskich NPZ nie budzie deficytu nafty na praciahu 200 hadoŭ», — skazaŭ Čavies.

Prezident Vieniesueły padkreśliŭ:

«Tut niama daŭžnikoŭ, my — tavaryšy». «My sumiesna budujem alternatyvu suśvietnamu impieryjalizmu», — skazaŭ jon.

Uha Čavies zaznačyŭ, što na pieramovach u farmacie «sam-nasam», jakija doŭžylisia try z pałovaj hadziny, jon abmierkavaŭ z Alaksandram Łukašenkam «novyja miechanizmy» supracoŭnictva dźviuch krain.

U pieramovach dvuch lidaraŭ u vuzkim składzie ź biełaruskaha boku biaruć udzieł ministr zamiežnych spraŭ Siarhiej Martynaŭ, pieršy vice-premjer Uładzimir Siamaška, a taksama pamočnik prezidenta pa asablivych daručeńniach Viktar Šejman.