U subotu — Dzień Šefa
16.10.2010 / 13:20
16 kastryčnika — data, jakaja abaviazkova pavinna być paznačana čyrvonym u kalendarach usich padnačalenych i padšefnych.
U hety dzień lohki (i adkryty) padchalimaž nie tolki dazvoleny, ale i vitajecca, a prybaŭku da zarpłaty paprasić jak nikoli lohka — kali ŭmieła spałučyć hetuju prośbu z bukietam kamplimientaŭ ci prosta z bukietam. Bo mienavita siońnia ŭ śviecie adznačajecca Dzień Bosa (jon ža dzień Šefa)!
Isnuje heta niezvyčajnaje śviata ŭžo bolš jak paŭvieka — z 1958 hoda, kali žycharka horada Čykaha, sakratarka Patrycyja Charoski prapanavała ideju: supracoŭniki vinšujuć u Dzień Šefa svajho kiraŭnika i dziakujuć za toje, što jon byŭ dobrym i sumlennym na praciahu hoda. (Patrycyja, da słova, vybrała 16 kastryčnika nie vypadkova — jakraz u hety dzień śviatkavaŭ narodziny jaje baćka, jaki, da słova, byŭ bosam toj samaj kampanii, dzie dačka i pracavała sakratarkaj).
U 1962 hodzie data była aficyjna zaćvierdžana ŭ štacie Ilinojs, a paźniej śviata pačali adznačać u Aŭstralii, Vialikabrytanii i Paŭdniovaj Afrycy.
Ale čamu b i nam nie vykarystać dobruju nahodu, kab uspomnić, što kiraŭnik luboha ranhu — heta adkaznaja prafiesija, praca biez adpačynku i adkaznaść nie tolki za kožny svoj krok, ale i za ŭčynki i dziejanni svaich padnačalenych. Nu i jašče — banalna, ale fakt — kab nie zabyvacca, što bos — taksama čałaviek, i jamu, jak i ŭsim, pryjemna adčuć uvahu i pavahu da siabie...