Ładućka zaklikaje drobny biznes asvojvać Masiukoŭščynu i Kamiennuju Horku

16.10.2010 / 13:28

U staličnych mikrarajonach Kamiennaja Horka i Masiukoŭščyna padrychtavany inviestycyjnyja placoŭki, jakija buduć prapanoŭvacca biełaruskamu biznesu dla ŭdziełu ŭ stvareńni nievialikich abjektaŭ hramadskaha charčavańnia, handlu i bytavych pasłuh. Pra heta paviedamiŭ staršynia Minskaha harvykankama Mikałaj Ładućka.

«Nievialikich, tamu što naš biźnies adhukajecca na nievialikija prapanovy», — rastłumačyŭ mer. Horad ža, pavodle jaho słoŭ, pakidaje za saboj abjekty achovy zdaroŭja, vychavańnia, adukacyi i sportu.

Mikałaj Ładućka paabiacaŭ, što nieabchodnaja infrastruktura ŭ novych mikrarajonach na ŭskrainie stalicy «źjavicca značna chutčej, čym heta było 15 hadoŭ tamu». «My pamiatajem, jak asvojvaŭsia Minsk u 60-ja, 70-ja, 80-ja hady. Sapraŭdy, nabudoŭvalisia mikrarajony, paśla hetaha prachodziła 10–15 hadoŭ, pakul jany kompleksna zabudoŭvalisia. Siońnia kompleksnaje asvajeńnie terytoryj prachodzić značna chutčej. Tak, chaciełasia b, kab spačatku mahaziny, škoły, dziciačyja sady, a potym žyłyja damy. Ale technałahična, arhanizacyjna i finansava tak nie atrymlivajecca. My idziom spačatku kamunikacyjami, žyłymi damami, zatym dziciačyja sadki, škoły, abjekty sackultbytu, charčavańnia, handlu», — skazaŭ staršynia Minskaha harvykankama.